Liham para sa aking mga kaibigan

-
Mahal kong kaibigan, 
      Nagsulat ako ng liham upang ipahayag ang taos-pusong pasasalamat sa hindi matatawarang tulong at pagmamahal na ipinamalas ninyo sa akin. Sa loob ng halos dalwang taon na pagsasama, nakita ninyo ang tunay kong halaga. Walang pagod na inintindi ang ugali kong nakakadismaya. Hindi kayo nagsawang sumuporta kahit paulit-ulit man akong mabigo. Isa kayo sa naging dahilan upang malagpasan ko ang mga pagsubok noong mga panahong nawalan ako ng kompiyansa sa aking sarili. Pinili ninyong manatili upang samahan akong tahakin ang daan ng pakikibaka. 
      Labis akong nagpapasalamat marahil hindi sa mga kapakinabangang natamo ko sa inyo, kundi dahil kayo ang nagsisilbing tulay upang baguhin ko ang aking sarili. Hindi man madali ang proseso ng pagbabagong minimithi, nandiyan pa rin kayo upang umagapay. Ipinakita ninyo ang aking pagkakamali ng walang panunumbat at pinadama ang pagkalinga na hindi ko naranasan kanino man. Iminulat ninyo ako na kailangan kong maging matapang at hindi habang buhay aasa sa iba.
      Hindi tayo bumuo ng mga karanasan at alaala upang ito'y kalimutan. Ito ang magsisilbing pundasyon upang mabuo natin ang ating pagkatao at pagkakakilanlan. Ako'y mapalad na nakasama ko kayo ng mahabang panahon at naranasan ko kung gaano kakulay at kaganda ang hindi mag-isa sa mundong ito. Dumating man ang panahon na kailangan na nating tahakin ang kani-kaniyang pangarap, asahan ninyong hinding-hindi ito ang magiging dahilan upang putulin ang nabuo nating pagkakaibigan. Bagkus ito'y magsisilbing instrumento upang mapagtibay ang ating samahan. 
      Maaaring makatagpo man ako ng bagong kaibigan, panghahawakan at panghahawakan ko ang ating binuong pagkakaibigan. Hindi man tayo araw-araw makapagpalitan ng mga kuwento ng kapighatian at kaligayahan, sisiguraduhin kong nandiyan pa rin ako sa mga panahong kinakailangan ninyo ng kausap at karamay. 
      Sana'y maabot natin ang mga pangarap na minsan nating inisip na imposibleng mangyari. Saan man ako dalhin ng matayog kong pangarap, ipinapangako kong hinding-hindi ko malilimutan na kayo'y naging parte ng aking buhay. Araw-araw kong isasabuhay ang mga karanasan at aral ng ating samahan. 

                                                 Nagmamahal, 
                                                Tapat na kaibigan

Comments

  1. Aim HighApril 17, 2020 at 3:15 AM

    Nangungurot ng puso ang mga alaala😥

    ReplyDelete
  2. UnknownJanuary 17, 2021 at 12:16 AM

    Nice,,mapa Sana all ako dito'😉😉

    ReplyDelete
  3. UnknownJanuary 23, 2021 at 4:45 AM

    SanNa all senior high na ❤️

    ReplyDelete
    Replies
    1. Aim HighJanuary 24, 2021 at 11:35 PM

      Hi! College na ako, good luck sa journey mo❤

      Delete
  4. UnknownJanuary 26, 2021 at 6:17 PM

    Makakaiyak ka talaga sa mga alaala NG mga kaibigan mo noon...😭😭😭

    ReplyDelete
    Replies
    1. Aim HighFebruary 1, 2021 at 8:30 AM

      Oo, sobrang iba kasi yung sayang naidulot nila sa buhay natin. Tapos ngayon puro pain nalang nararanasan natin hahahha

      Delete
  5. UnknownFebruary 2, 2021 at 2:03 AM

    Pain nmn miss kona best friend ko kaso wla na may iba ng best friend

    ReplyDelete
    Replies
    1. Aim HighFebruary 7, 2021 at 1:47 AM

      Hmm ok lang yan. Pero dapat i-treat mo pa rin sya as your friend, siguro busy lang kayo. Kaya i-reach out mo sya, okay?❤

      Delete
  6. UnknownFebruary 4, 2021 at 10:02 PM

    Nakakaiyak naman😢
    Nangyari din sakin yan

    ReplyDelete
  7. UnknownFebruary 6, 2021 at 9:17 PM

    BUTI NA LNG UMABOT KAMI NG 10 TAON ANG SAYA YEHEYYY

    ReplyDelete
    Replies
    1. UnknownDecember 3, 2021 at 6:36 AM

      Kami 8 years palang pero mukang aabot hanggang pag tanda a love my best friend

      Delete
  8. UnknownMarch 8, 2021 at 1:11 AM

    Ang haba huhu😭 haha Ng sususlatin

    ReplyDelete
  9. UnknownMarch 21, 2021 at 6:06 PM

    It hurt when your best friend is gone😢😢😢😢

    ReplyDelete
  10. UnknownMarch 25, 2021 at 6:10 AM

    Nakakaiyak po highschool here G8 palang ako isa lang kaibigan ko na mabait talaga 5 years ko na kaibigan.

    ReplyDelete
  11. UnknownApril 29, 2021 at 5:15 AM

    Sana all may kaibigan 😢

    ReplyDelete
  12. UnknownDecember 13, 2021 at 6:41 AM

    Salamat binibi/ginoo! Binigyan mo ako ng ideya para sa aking liham.

    ReplyDelete
  13. UnknownJanuary 22, 2022 at 3:38 AM

    ang ganda ng liham ako my kaibigan ako

    ReplyDelete

Post a Comment

Popular posts from this blog

"Hindi masama ang pag-unlad kung hindi nakakasira ng kalikasan"

-
Image
                  Sa pag-unlad ng lipunan, naisawalang bahala na ng bawat mamamayan ang ating kalikasan. Tapon doon, tapon dito, kalimitang gawain at kontribusyon ng bawat isa sa unti-unting pagkasira ng kapaligiran.      Matagal na nating pasan-pasan ang problema tungkol sa basura. Minsan ng nagsanhi ito ng malubhang epekto sa kalusugan ng bawat mamamayan at kapaligiran. Ngunit hindi pa rin tayo nadadala. Lalo na sa mga lungsod ng Maynila, tila bulubundukin ang basura sa paligid. Mangilan-ilan din sa mga kanayunan ang nakakaranas sa kakulangan ng garbage truck o hindi araw-araw na pangongolekta ng mga basura. Kaya natatambak at laganap kung saan-saan ang kalat sa kapaligiran.     Nakakalungkot isipin na naipatupad na ang pangongolekta ng basura sa aking komunidad, ngunit hindi lahat ng barangay ay nalilibot upang makolekta ang mga basura. May mga araw pang hindi sila nangongolekta at walang magawa ang ...
Read more

General Academic Strand: Bakit ito?

-
Image
                       Sa apat na taon ko sa Junior High School, nasanay akong ipagwalang bahala ang mga bagay-bagay. Basta-basta nalang magdedesisyon ng hindi iniisip ang posibleng resulta. Subalit dumating ang araw na kailangan ko nang harapin ang susunod na yugto, ang Senior High School.       Nang iabot sa akin ang enrollment form, hindi ako nagdalawang isip na isulat ang strand na aking kukunin, ang General Academic Strand (GAS). Maaaring may kani-kaniyang dahilan ang bawat mag-aaral sa strand na kanilang napili. Ngunit wala akong maisip na dahilan kung bakit GAS ang napili kong tahakin. Maaaring naudyok lamang ako sa mga bulung-bulungan na madali lamang ang strand na ito. Isa pa sa maaaring dahilan kung bakit ito ang aking napili ay dahil ito rin ang strand na napili ng aking mga kaibigan.       Sa una, hindi pa gaano kabigat ang mga gawain. Ngunit dumating ang panahon ...
Read more

Liham bilang ako sa hinaharap

-
Image
Ako sa hinaharap,       Kumusta? Sana ay nasa mabuti kang kalagayan habang binabasa mo ang liham kong ito. Sumulat ako upang ipabatid ang ilang bagay at sa gayon ay malaman mo ang aking plano sa iyong buhay, ang buhay natin sa hinaharap. Hindi man natin maidikta kung ano tayo sa hinaharap, nais kong malaman mo na aantabayan kita sa buhay na gusto mong tahakin.       Umaasa ako na sa ating pagtatagpo ay nahanap mo na ang iyong tunay na kaligayahan ng walang pagkukubli at pagpapanggap. Nagiba mo na ang bakod sa iyong puso upang muling papasukin ang mga taong nagmamahal sa iyo ng tunay at kaya mo ng harapin ang bawat pagsubok ng walang takot. Natutong ipagmalaki ang iyong kakayahan at pagbutihin pa sa abot ng iyong makakaya. Ilang beses man mamintana ang mga luha sa iyong mga mata, pilitin mo pa rin tingnan kung gaano kaganda ang ating mundo.    Hanggat maaari, iwasan mo ang mga taong nagsasanhi ng iyong kalungkutan. Bagkus pilii...
Read more